Select region: 

As of June 2017 all Government News has been added to the Government News Archive. We look forward to providing you with more services through our Government Publications. Stay tuned for more insights on our new website releasing soon.

Minister El Hakim: "Proyekto Snowball" a kuminsá

KOMUNIKADO DI PRENSA
30 di Novèmber 2011

WILLEMSTAD – Dia 29 novèmber 2011 ofisialmente Promé Minister Gerrit Schotte i Minister di Desaroyo Ekonómiko Sr. Nasser El Hakim a lansá konhuntamente Proyekto Snowball.

Na ougùstùs último Konseho di Minister a aprobá un proyekto pa bai stimulá ekonomia di Kòrsou ku e nòmber “Proyekto Snowball”. Promé Minister Schotte a tuma enkargo pa trèk e proyekto i a komprometé su mes pa denter di un tèrmino kòrtiku yama un reunion den kual lo ta bai ta presente tur minister, direktornan di e diferente ministerionan i esnan na kabes di kompanianan di gobièrnu i nan huntanan di komisario.

Proyekto Snowball ta un plan ku ta duna un bista di tur e proyektonan ku e diferente ministerionan ta trahando ariba ku ta kontribuí na kresementu di nos ekonomia. E plan aki tin eksplísitamente komo meta pa stimulá nos ekonomia i eliminá e persepshon robes ku ta eksistí ku nos pais ta pasando den un desaroyo ekonómiko negativo.

Durante e enkuentro a presentá tur e proyektonan aki i a konkluí e akshonnan ku mester tuma pa lòs e proyektonan ku ta stanká i stimulá ku otro proyektonan por kuminsá mas pronto posibel.

Gobièrnu ta konvensí ku unabes e proyekto “Snowball” kuminsá, esaki lo sigui fomentá mas desaroyo ekonómiko, esaki dentro di e kuadro makro ekonómiko eksistente.

Ta intenshon pa nombra pa kada proyekto un ‘projecttrekker’ ku sigun un stappenplan tin ku bai guia e proyekto te na final di ehekushon.

Share this page:
« Back
Back to Top